બિચારો માનવી

જીવનની ધારામાં માનવ કેવો તણાતો જાય છે,

મોંઘવારીની ભીંસમાં બિચારો હણાતો જાય છે,

એકના માથે છત્રની છે કેટલી વિશાળ છાયા,

બીજો ધીમેધીમે ધરતીમાં સમાતો જાય છે,

એકને ત્યાં કુબેરના અખૂટ ભંડાર ભર્યા છે,

બીજો સુખના સપનામાં આયુ ગુમાવતો જાય છે,

એકને ત્યાં છપ્પન ભોગના થાળ રંધાય છે,

બીજો પેટનો ખાડો પૂરવા ડૂસકાં ભરતો જાય છે,

માનવ માનવ વચ્ચે આવો તફાવત શા માટે ?

એક સુખમાં અને બીજો દુઃખમાં ડૂબતો જાય છે,

પૂછું એક સવાલ આ જગતના તારણહારને,

કે તારે ત્યાં પણ ભ્રષ્ટાચાર વધતો જાય છે.