ગઝલ જેવું લાગશે

બે ઘડી પાસે રહો તો પ્યાર જેવું લાગશે .

હાથમાં બસ હાથ આપો યાર જેવું લાગશે .

સાંભળીને સાદ મારો આવશે જો શ્યામ તો ,

જિંદગીમાં બે ઘડી આધાર જેવું લાગશે .

વાંસળીના સૂર મીઠા કાન જ્યાં રેલાવશે ,

સાંભળીને દિલમાં બસ તાર જેવું લાગશે .

ઓઢણી જ્યાં ઓઢશે નભ પ્રેમથી વરસાદની ,

આ ધરાનું રુપ પણ ગુલઝાર જેવું લાગશે .

શાયરીનાં શબ્દમાં જ્યાં શ્વાસ રોપાશે નવાં,

હાય રે "પલ્લું" જીવન આ સાર જેવું લાગશે .