જીવન નું ગાડું
જીવન નું ગાડું
હૈયા કેરી ઓરડીમાં,
આત્મવિશ્વાસના ઉજાસ થકી,
ચાલે આ જીવનનું ગાડું,
સમતોલ રાખવા જીવનનું ગાડું,
કરે પ્રયાસો અથાગ આ માનવી,
ઉબડ ખાબડ રસ્તાથી ખોરવાઈ આ સમતોલન,
તોયે જાનની બાજી લગાવી જીવનનાં રસ્તે આગળ નીકળે આ પથિક,
સુખ દુઃખનાં પૈડાં થકી ચાલે આ જીવનનું ગાડું,
આત્મવિશ્વાસનું તેલ પૂરીએ તો ચાલે બરાબર,
આ જીવનનું ગાડું,
જવાબદારી ઈચ્છા અપેક્ષા સપનાઓ આકાંક્ષાઓનો ભારવહન કરે આ ગાડું,
ક્યારેક અધ વચ્ચે અટકી જાય આ ગાડું,
મળી જાય કોઈ નો સાથ તો ફરી ચાલવા લાગે આ ગાડું,
ક્યારેક મોજ મસ્તી હસી ખુશી,
તો ક્યારેક આંખોમાં અશ્રુ અને હોઠ પર ફરિયાદ લઈને આગળ ધપે,
આ જીવનનું ગાડું,
ક્યારેક દુઃખનાં કીચડમાં ફસાઈ અધવચ્ચે રોકાઈ જાય આ ગાડું,
તો ફરી આત્મવિશ્વાસરૂપી ધક્કાથી આગળ ધપે,
આ જીવનનું ગાડું.