કર્મો પર ઈશ્વરની સદા નજર હોય
કર્મો પર ઈશ્વરની સદા નજર હોય
ઈશ્વર પણ જાસૂસ છે,
આપણાં કર્મો પર સદા એની નજર હોય છે,
સૌના કર્મો પ્રમાણે સજા કે ફળ એ આપે છે,
નાનામાં નાના કાર્યોની યાદી એ રાખે છે,
સત્યને સાથ એ હંમેશા આપે છે
જૂઠની પોલ સમય આવ્યે ખોલે છે,
સૌના કર્મો પ્રમાણે ન્યાય એ તોલે છે,
લાગે છે માનવીને કોઈ જોતું નથી હું કર્મ કરી લઉં,
પણ ઈશ્વરની નજરથી ક્યાં કઈ છૂપું રહે છે,
દાવપેચ રમી લોકો સાથે ખિલવાડ કરતા,
પણ ઈશ્વરની નજરમાં એ ગુનેગાર ઠરતા,
એ તો અંધારી રાત્રિની આરપાર પણ જોઈ શકે છે,
આ સાત કોઠીઓની આરપાર પણ જોઈ શકે છે,
ધરતી પર કોઈ એવી જગ્યા નથી જ્યાં ઈશ્વરની નજર ના હોય,
સાત પાતાળમાં પણ કેમ ના હોય ! તોય એની નજર ત્યાં હોય છે.