Library
લગ્ન બંધને
લગ્ન બંધને
પ્રેમ કર્યો દિલોજાનથી ચાહીને સતત તને !
ચાલ, એક બંધન મજાનું આપી દઉં મને !
લગ્ન બંધને......
તું જેમ છે એમ જ તને સ્વીકારી લઉં !
'તું મને કબૂલ ને હું તને કબૂલ' કહી દઉં!
લગ્ન બંધને......
પુરુષના કર્તૃત્વ ને સ્ત્રીના સમર્પણનું છે આ મિલન!
આત્મસમર્પણ, આકાંક્ષા, સન્માન, પ્રેમનો આવકાર આજીવન!
લગ્ન બંધને.........
અતૂટ ઐક્ય, વિશ્વાસ, આનંદ, શાશ્વતતાનું છે જતન !
છલકાતો પ્રેમળ સંવાદિતોનો જ મધુરો ધન પ્રેમ રતન!
લગ્ન બંધને.........
સ્ત્રી બને ગૃહ સામ્રાજ્ઞી ને પુરુષને જડે સ્વર્ગ !
મન-તન-વાણીથી ઐક્ય સધાય એવો છે આ તર્ક!
લગ્ન બંધને........
થતાં રહે સાકાર સ્વપ્ન એકમેકના સથવારે એ ખિલંતું જીવન!
સાત વચને બંધન ભલે, સાથ સમભાવે બંધાવાનો જ છે કવન!
લગ્ન બંધને.......
પ્રેમ કર્યો અનહદ ચાહીને સતત તને !
ચાલ, એક બંધન મજાનું આપી દઉં મને !
લગ્ન બંધને........
