લીલું પાનેતર

ઓઢીને લીલું પાનેતર 

ધરતી કેવી લહેરાઈ 

ને પછી સરકેલા ઝાકળને 

ઝીલીને એમજ શરમાઈ

પર્વતોનો બોજ ક્યાં લાગતો 

એતો ગમતો વરસાદ જો લાવતો 

તરબોળ ધરતી એ વરસાદમાં

છમછમ વહેતો પરસાળમાં

ઝરણાં ને નદી કેવી તરસતી 

ધરતીની સાખે દરિયાને મળતી 

 કેવા ઊંડાણ સંતાયા દરિયાની કોખમા 

મરજીવા જાય ત્યાં મોતીની શોધમાં 

લાલિમા પ્રસરાય જ્યાં ક્ષિતિજે દરિયો  

હરખાય ધરતી જ્યાં ઘૂઘવતો દરિયો

મૃત્યુ પછી ખુદમાં સાચવતી "માનવજાત" 

ધરતી પર ના બોજ આ દિવસ ને રાત

ધરતીને અંધાર ઓઢાડતી 

આ રાત કંઈક કહેતી 

સવારે સૂરજને પ્રેમથી સહેતી

ખેતરે ઉભો લીલોતરો પાક છે બસ  

એજતો ધરતીના પાનેતરની ભાત છે