માળિયે માળિયે

હોય ઊંચી હવેલી કે નાનકડું ઘર 

છે સરખી વ્યથા માળિયે માળિયે !

પત્ની ચડાવે ને બાહોશ થઈને પતિ ચડશે 

સફાઈ કરવા, ઊંડા એ માળિયે માળિયે !

હોય વરસનો કચરો કે શેપટનો થર 

ક્યારેક જોઈતી વસ્તુ મળે માળિયે માળિયે !

કરોળિયાનાં જાળાં, ગરોળીઓનાં ઈંડા

છે એ જ જીવસૃષ્ટિ માળિયે માળિયે !

પેલું ત્યાં હશે, જુઓ એ દેખાય એની નીચે 

હોય કંઈ નહીં તોય ડર લાગે માળિયે માળિયે !

કહ કરી મોઢું બાંધી, એજ પળોજણ સાફ કરી,

ફરી મૂકાય છે હતી ત્યાં માળિયે માળિયે !

યાદો પૂરાણી, રિપીટ કરે છે, જૂની કહાની 

થઈ જાય છે રિમિક્સ માળિયે માળિયે !

નવેસરથી માંડે છે, ઘર સૌ પોત-પોતાનાં,

નીચે માનવી, ઉપર જીવજંતુ માળિયે માળિયે !

વરસે ખૂલે છે ને વરસ આખું અકબંધ રહેશે 

'વાલમ' એ સઘળું જ માળિયે માળિયે !