પરોઢના પંખી
પરોઢના પંખી
સૌથી વેલા જાગતા પરોઢીયે,
આકાશ આખું જાણે અમારું ગામ,
રહેતા અમે સૌ હળી મળીને સદા,
ના કરતા ચિંતા આવતીકાલની,
આજની ઘડી અમારે તો રળીયામણી,
ઊડતા ઊંચે ને વ્યોમમાં વિહરતા,
સાંજ પડતા જ પૂરાતાં માળામાં,
જગનાં સુખદુઃખ તમને મુબારક,
આકાશ ને ધરતી જ અમારે સુખધામ,
ડાળીએ બેસી કરતા સૌ કિલ્લોલ,
એકમેકમાં પૂરી સૂર ગાતા મીઠાં ગાન,
માનવીએ છીનવ્યા અમારા રહેઠાણ,
બનાવ્યા બધે ક્રોઁક્રીટના જંગલ,
છતાં સંગાથે મળી સૌ કરતા ઘૂઘવાટા,
સદા વહેલા જાગતા અમે પરોઢના પંખી.