સગવડિયા ભક્ત
સગવડિયા ભક્ત
જાણું હું તું ભાવનાનો ભૂખ્યો છો
મેવા તોય હું પકવાન ધરાવું બત્રીસ કેવા !
જાણું પૃથ્વી તણા છે બેસણા તારા
તોય આસન સજાવુ હું ખુબ અનેરા !
તું છે સાદગી નો અભિલાષી મુરારી
તોય તારી મૂરત ને મેં છે શણગારી !
તને વાંસળી ગમે બહુ ગિરધારી
તોય હું ઢોલ નગારે તને જ જગાડી !
તું છે આ જગમાં સર્વ વ્યાપી ગોપાલા
તોય હું તને શોધું મંદિર મધ્યે નંદલાલા !
તું છે સર્વ જનનો વાસી અવિનાશી
તોય મંદિર માં પૂર્યા મેં તને મધૂરાશી !
તું ભક્તના પ્રેમે છે બન્યો ડાકોરવાસી
તોય મેં ધન ધર્યા તને અક્ષરવાસી !
તને ભાવે માખણ મિસરી માવજી
હું કાજુ ને કેક ધરૂ તને કાનજી !
તું માફ કરે મને મુરલીધર મેવા
હું કેવી સગવડે કરૂ તારી સેવા !