શું આ શક્ય છે ?

સાસ વહુ જો ઝગડે તો હું બંનેને ધમકાવું,

બંને જો ના માને, મો પર બેન્ડેડ હું લગાવું,

શું આ શક્ય છે ?

ઘરવાળીને એક વરસ, પિયર હું મૂકી આઉ,

મમ્મીને યાત્રા મોકલી, એકલો લ્હેર મનાવું.

શું આ શક્ય છે ?

હું સિરિયલો પર બૅન લગાવું, શું આ શક્ય છે ?

હું ડાયરેકટરને જેલ કરાઉ, શું આ શક્ય છે ?

હું હર ઘરમાં શાંતિ ફેલાવું, શું આ શક્ય છે ?

ગાડી મારી પેટ્રોલ નહીં, પાણીથી ચલાઉ,

ફૂંક મારીને પંખો ફેરવું, દિવડે લાઈટ જલાવું,

શું આ શક્ય છે ?

સાયકલ ઉપર નેતા ને અભિનેતાને ઘુમાવું,

હું ધુમાડા પર ટેક્સ લગાવું, શું આ શક્ય છે ?

શું આ શક્ય છે ?

ઝડપ તોડે એને જેલ કરાવું, શું આ શક્ય છે ?

હું કાયદા ઘડી ઇંધણ બચાઉ શું આ શક્ય છે ?

શું આ શક્ય છે ?

ભ્રષ્ટચારી નેતાને શોધી, ઊંધો હું લટકાવું,

આવતા જતા લોકો પાસે ટપલીદાવ કરાવું,

શું આ શક્ય છે ?

કાળું મો કરીને એને ગધેડાની સેર કરાવું.

હું નેતા બનવા પરીક્ષા લાવું,

શું આ શક્ય છે ?

હું ચૂંટણી પ્રથાને બંધ કરાવું,

હું પક્ષાપક્ષી બંધ કરાવું,

શું આ શક્ય છે ?

વ્યસન કરે એના પાછળ કૂતરા હું દોડાવું,

વ્યસન વેચનારને પકડી હું જાહેરમાં ફટકારું

શું આ શક્ય છે ?

નિર્વ્યસની બનાવી એમને રોગોથી બચાવું.

હું વ્યસનીને વોન્ટેડ બનાવું,

શું આ શક્ય છે ?

લાખોના એમને દંડ ફટકારું,

વ્યસન ભગાડી દેશ બચાવું,

શું આ શક્ય છે ?

પ્રેમ કરું ઇન્સ્ટોલ અને ઈર્ષા ડીલીટ કરાવું,

સુખને ઍડ કરાવી હું દુઃખડા રિમુવ કરાવું,

શું આ શક્ય છે ?

મારું ચાલે તો મોબાઈલ જાહેરમાં સળગાવું.

હું કલિયુગને સતયુગ બનાવું,

શું આ શક્ય છે ?

હું હરેકમાં માનવતા જગાવું,

હું દુનિયા જીવવા લાયક બનાવું,

શું આ શક્ય છે ?