ಇಳೆಗೆ ತಂಪೆರೆದ ಮಳೆ
ಇಳೆಗೆ ತಂಪೆರೆದ ಮಳೆ
ಬಂದಿತು ಬಂದಿತು ಮಳೆ
ತುಂಬಿತು ಹರಿಯಿತು ಹೊಳೆ
ಹಸಿರಾಯಿತು ಪಸರಿಸಿತು ಇಳೆ
ಇಳೆಗೆ ಮಳೆಯೇ ಕಳೆ
ತಂಪೆರುವ ತಂಗಾಳಿಗೆ ಮನ ಜಾರಿತು
ಬಾಡಿದ ಗಿಡಮರಬಳ್ಳಿ ನಗು ಬೀರಿತು
ಬಾನಲ್ಲಿ ಬೆಳ್ಳಕ್ಕಿಗಳು ಗರಿಗೆದರಿ ಹಾರಿತು
ರಂಗಿನ ಹೂಗಳು ಧರೆಯಲ್ಲಿ ಅರಳಿತು
ಮಳೆಯಲ್ಲಿ ನೆನೆದ ಬಾಲ್ಯದ ದಿನಗಳು
ಹರಿವ ನೀರಲ್ಲಿ ಬಿಟ್ಟ ದೋಣಿಯ ಸಾಲುಗಳು
ಬಾಲ್ಯದ ದಿನವನ್ನು ನೆನಪಿಸಿದ ಈ ಮಳೆ
ನನ್ನ ಮನದಲ್ಲಿ ಹರಿಸಿತು ನೆನಪಿನ ಹೊಳೆ