സംഭ്രമം

സംഭ്രമം ഓരോരുത്തരിലും പലചിന്തകളിലും

ഒരേയൊരു വാക്കാകുന്നൂ,

ഭ്രമത്തോടെ മറ്റുള്ളവരെയും ചിന്തിതരെയും 

ഉറ്റുനോക്കുന്നൂ ഉലകിൽ സ്വയം . !

ചലിക്കുന്നതെല്ലാം സത്യമെന്നുധരിക്കുന്നൂ ചിലർ,

ചരംചിരംസുസ്ഥിതമെന്നിങ്ങനെ ഭ്രമിക്കുന്നൂ പലർ !

എന്നിലേക്കാളും വളരുന്നതിഷ്ടമില്ലാത്തവർ

ഇടിച്ചിരുത്തുന്നൂ സംഭ്രമത്തോടെയും

ഭ്രമത്തോടെയും മറ്റുചിലരെ മറ്റുപലരെ..!

ചിലകാലംമെരുക്കാമെന്നുചിന്തിക്കുന്നതെല്ലാം

സ്വയംബോധനത്തിൽചിന്തയില്ലാതാകുന്നതും, 

ചിലകാലങ്ങളിൽ ചിന്തിച്ചിരിക്കുന്നവരിവർ

ചിന്തകളിലെല്ലാം സംഭ്രമം നിറച്ചവർ... !

ചിരകാലസ്മരണവച്ചുപുലർത്തണ -

മെന്നുചിന്തിക്കുന്നവർ, ചിലർ

സ്വയം വാദിക്കുന്നൂ സ്വാർത്ഥതമാത്രം

സ്വയം വച്ചുപുലർത്തുവാൻ മാത്രം.!

ചിലകാലങ്ങളിൽ തൻചിന്തകളിൽ വരാത്തവരെയെല്ലാം

ചിന്തിക്കാത്തവരെന്നുസ്വയം മദിക്കുന്നൂ

പലർ ചിലർ... !

പലകാലങ്ങളിൽപ്പോലും നന്മനിറക്കാത്തവർ,

നന്മയെക്കുറിച്ചു വാചാലരാകുന്നൂ

നന്മമരം പോൽ.

പലരൂപത്തിലുംഭാവത്തിലുംസ്വാർത്ഥ-

ചിത്തരാകുന്നവർ,

നന്മതൻമണിക്ക്യം കാണാതിരിക്കുന്നൂ.... !

പലപ്പോഴും ചുറ്റുമുള്ള ഉപഗ്രഹങ്ങളെ കാണാതിരിക്കുന്നവർ, 

ചുറ്റുംനിറഞ്ഞ വൈതരണികളെ കാണാതിരിക്കുന്നൂ... !

പലതും കാണാതിരിക്കുന്നവർ, ചുറ്റുംനിന്നു വിഷക്കൂട്ടുകൾ കൂട്ടുന്നവർ,

ഭ്രമത്തോടെ നിരന്നുനിന്നു ഗാഗ്വാവിളികൾക്ക്

നേർസാക്ഷ്യം പറയുന്നൂ,

എല്ലാം ഭ്രമം ഭ്രമം വെറും സംഭ്രമം!