भावाची बहीण लाडकी

भावाची ही बहीण लाडकी

नाही कुणी तिच्या सारखी

भावावर तिचा खूप जीव

सुख दुःखाची ती पारखी.....

भावासाठी बहीण धावते

नेहमी त्याला ती साथ देते

रागावली तरी हळूच येऊन

पाठीवरून हात फिरवते

भावाची ही बहीण बनते

त्याला आईची माया देते

तिच्यासारखं कुठे नातं

सगळी नाती धरून चालते...

डोळ्यात कधी भावाच्या

येऊ देत नाही पाणी

हसत खेळत रोज त्याला

सांगत असते नवी कहाणी

भावासाठी बहीण खास

मिळो न मिळो कुणाची आस

तीच माझी बहीण लाडकी

तीच माझ्यासाठी आहे खास