#बहीण
#बहीण
1 min
185
अलवार नात्यांची घट्ट करण्या वीण
प्रत्येकालाच दे ना देवा एखादी बहीण
मायेची पाखर घालून गोंजरते ताई
बहीण मोठी मग भासे दुसरी आई
हळूवार प्रेमाची अलगद पखरण ती करते
चुकले माकले कधी तर कानही पकडते
तिच्या प्रेम विश्वासाचे असे कवच भारी
सोबत तिची मनाला देते सदैव उभारी
लहानगी बहीण असते अवखळ नटखट
माझेच खरे म्हणून सारी तिची खटपट
नको त्या गोष्टींच्या चुगल्या करत बसते
चुकले ना सॉरी म्हणुन कानही पकडते.
शस्त्र रागाचे हिच्यावर काही चालत नाही
रुसलात का माझ्यावर म्हणत रडे रडूबाई
उजळून टाकते भावविश्व ती आपल्या परी
एक तरी बहिण प्रत्येकालाच हवी खरोखरी