गूज अधरी
गूज अधरी
अवखळ अल्लड , गूज मनीचे
गूज अधरी , ओठांवरी अडते (ध्रु)
नजरानजरी , होता नकळत
पापण्यांची महिरप , जाते झुकत
कसे सांगू तुला , शब्द ना उमटे
गूज अधरी , ओठांवरी अडते (१)
भाव मनीचे , लाजरे गोजिरेसे
नयनांतूनी जणू , तू टिपलेसे
लाज बावरी , लालिमा पसरते
गूज अधरी , ओठांवरी अडते (२)
प्रतिक्षेत मीलन , प्रेमी जीवांचे
अधीर सखया , वेडच प्रेमाचे
प्रीत अव्यक्त , मजलागी सलते
गूज अधरी , ओठांवरी अडते (३)
मला वाटते , सखया रे मिळूनी
गूज बोलावे , निवांत कुंजवनी
तरुवेली साक्षीला , धुंद एकांते
गूज अधरी , ओठांवरी अडते (४)
येशील सजणा , कधी मजसवे
प्रीत प्रीतीलागी , जीवाशिवासवे
तरुवेली साक्षीला , धुंद एकांते
गूज अधरी , ओठांवरी अडते (५)
येशील सखया , कधी मजसवे
प्रीत प्रीतीलागी , जिवाशिवासवे
भावनांना गुंफुया , शब्दरुपाते
गूज अधरी , ओठांवरी अडते (६)
अवखळ अल्लड , गूज मनीचे
गूज अधरी , ओठांवरी अडते (ध्रु)