होळीची पुरणपोळी...!
होळीची पुरणपोळी...!
सणावाराला पुरणपोळी
हमखास घरोघरी ठरलेली
होळीच्या दिवशी
होळीला पोळी जळलेली
हा हा करीत पोळी
एरंडाच्या फांदीवरून उडवायची
अन हळूच अलगद ती
वरच्यावर झेलायची अन परस्पर खायची
काय सुरेख बेत हा आपल्या
सणावारांच्या खाद्याचा
आठव आणतो अजूनही
सुख भोगल्या दिवसांचा
मऊ लुसलुशीत पुरणपोळी
त्यावर साजूक तुपाची धार
गरमागरम ताटात येता
घ्यावा वाटायचा तिचा समाचार
पुरणाची गोडी जरी तोंड पोळी
तरीही भाग्य असायचे प्रत्येकाच्या भाळी
सणावारी जमायची सारी मांदियाळी
वाटायचे घरीच आहे सारी आळी
आता गल्ली गेली आळी गेली
प्रगतीच्या बडीमारात पोळी दुरावली
आता घरी नांदायला वाटते सोकावली
पोळीच झाली आता मॉलवाली
पण आठवण आली तरी
डोळ्यात पाणी आणते
आजही घरोघरी सणावारी तरी
ती अजूनही आवर्जून घरी दिसते....!