जाता -जाता ...ती म्हणाली...
जाता -जाता ...ती म्हणाली...
जाता -जाता .हुंदका आवरत ती म्हणाली...
तू आहेस भोळा सांब ...सांभाळ स्वतःला
तुला सावरायला मी नाही आता ... तरीही...
मी असेनच रोमा- रोमात, आठवणींच्या रूपात
जाता -जाता .उसनं अवसान आणत ती म्हणाली...
रडू नकोस, कुढू नकोस, पश्चाताप करू नकोस
झालं गेलं विसरून जा ..पुन्हा नव्याने सुरुवात कर ...
माझं अस्तित्व, सहवास जाणवणारच तुला स्वप्नात
जाता -जाता .बळेच हसत ती म्हणाली...
चिंता करून नकोस रे ...मी नाही म्हणून काय झालं ?
इथपर्यंतचा प्रवास आपुला मज आठवत राहील ...
तू दिलेले सोनेरी क्षण... मी आयुष्यभर जपेन
जाता -जाता .हळवं होऊन ती म्हणाली..
फार नको रे मनाला लावून घेऊस .. सावर स्वतःला
ते इतकं सोप्प नाही कल्पना आहे रे मला ..पण
काय करणार रे... आता. तुझा - माझा मार्ग वेगळा
जाता -जाता .स्वतःला सावरत ती म्हणाली..
प्रेमाशिवाय हि खूप काही आहे रे जगात करण्यासारखं
फक्त एवढं लक्षात ठेव तू आहेस आईबाबांचं स्वप्न
विसरू नकोस कधी ,तुला गाठायचीत अजून ती यशोशिखर