कळत नाही
कळत नाही
कळत नाही का तुझ्यावर
मरतोय मी
पुन्हा पुन्हा तोच गुन्हा का
करतोय मी || 0 ||
कधीतरी तू होशील माझी
हिच एक आशा आहे
तूच तू माझीच असावी
हिच एक अभिलाषा आहे
जिंकण्याच्या नादात पुन्हा पुन्हा
हरतोय मी
पुन्हा पुन्हा तोच गुन्हा का
करतोय मी || 1 ||
दूर जाऊन तुझ्यापासून
पुन्हा पुन्हा जवळ येतोय
पुन्हा पुन्हा त्याच वेदना
तुझ्याकडून मागून घेतोय
का असा तुझ्याकडेच
सरतोय मी
पुन्हा पुन्हा तोच गुन्हा का
करतोय मी || 2 ||
तू दिलेल्या जखमा का
मला हव्या हव्या वाटतात
याच जखमा माझ्या झेप
घेणारे पंख छाटतात
तूच दिलेल्या जखमा का
भरतोय मी
पुन्हा पुन्हा तोच गुन्हा का
करतोय मी || 3 ||