माझी पर्स
माझी पर्स
पर्स माझी माझ्यासारखी
हवं नको ते सामावणारी
हातात माझ्या माझाच आधार
कुणी नसेल तेव्हा सोबत करणारी
पर्स माझी मलाच मँचींग
कधी नखरेल कधी रूबाबदार
माझे व्यक्तीमत्त्व खुलवणारी
माझी मैत्रीण असते सदाबहार
पर्स माझी मलाच रेखाटते
अनेक खाते अनेक कप्पे सामावते
वरून दिसते नाजूक साजूक सुंदर
सारे काही तिच्यात सहज विसावते
पर्स माझी खरच जादूची गुहा
पैसा, दागिणे, सजावटीचा सामान
पेन चावी पुस्तके सारे येथे मिळणार
औषधी, मोबाईल तिच्यासाठी एकसमान
पर्स माझी मज देते साथ
शाळा असो वा बाजार
दवाखाना असो वा लग्न
हिच्या शिवाय मी होते बेजार