मी कवयित्री अशी झाले
मी कवयित्री अशी झाले
शाळेमध्ये असतानाच
करायचे खूपच वाचन
अलंकारिक शब्दांचेही
व्हायचे मनात संकलन
घरकाम न् अभ्यास चालू
कविता मनी घोळायच्या
शाळेत सरांना दाखवता
नोटीसबोर्डला लागायच्या
अनुभव नि प्रसंगाने नित्य
काव्यलेखन चालू झाले
आईबाबांनी प्रशंसा करता
प्रोत्साहन अंगी मिळाले
कथा कादंबऱ्या वाचता
निबंधलेखन करू लागले
आवडणाऱ्याच ओळींची
टिपणही लिहून काढले
नव्या कवयित्रीची झाली
सुरूवात शालेय जीवनी
बहरला वृक्ष पानफुलांनी
कॉलेजातच मग अजूनी
मधल्या काळात विसरले
स्वत:तल्या कवयित्रीला
वॉटस्अपच्या माध्यमाने
जुळवले या काव्यमैत्रीला