मन फुलपाखरू...
मन फुलपाखरू...
बोटावरती ठेवून रंग ,
कुण्या फुलाच्या मोहात दंग ,
भिरभिर उडते वाऱ्यावरती ,
मन फुलपाखरू उडण्याचा छंद ...
रंग कोणता यास आवडे ,
हे मनाचे कोणते सोहळे ,
उधळे रंग बेभान होऊनी ,
रंगात रंगुनी दिपले डोळे ...
मखमली सुंदर पंखावरती ,
स्वप्न किती किती खेळती ,
फुलांच्या मागे दुडदुड पळती ,
जणू मन फुलपाखरू उडती ...
भार स्वप्नांचा अलगद उचलतो ,
पंखावरती लेऊनी रंग ,
जीवनाचा पिसारा फुलवतो,
हसण्यावारी नेतो दुःखाचा संग...
बोटावरती ठेवून रंग ,
कुण्या फुलाच्या मोहात दंग...