निसर्ग सखा
निसर्ग सखा
निसर्ग माझा सखा सोबती
धरतीवरचा स्वर्ग हा जसा
करु जतन या निसर्गाचे
चला मिळूनी घेवूया वसा
काळी माती बहरली राने
फुलाफळांचे किती नमुने
डोंगरवाटा नि सागरलाटा
खुणाविती त्या पाऊलवाटा
नानाविध या रुपामधूनी
निसर्ग बहरतो पहा कसा
करु जतन या निसर्गाचे
चला मिळूनी घेवूया वसा
नयनरम्य या देखाव्यांचे
नेत्रसुख ते किती लुटावे
निसर्गाची किमया न्यारी
लाकडालाही पर्ण फुटावे
ऋतूचक्राच्या तालावरती
निसर्ग चालतो पहा कसा
करु जतन या निसर्गाचे
चला मिळूनी घेवूया वसा
नको कोप नि नको प्रकोप
निसर्ग संतुलन आजच राखू
झाडे लावूया पाणी वाचवू
गोड फळे साऱ्यांनी चाखू
प्रदुषणाला घालून आळा
स्वच्छतेचा उमटवू ठसा
करा जतन रे निसर्गाचे
चला मिळूनी घेवूया वसा