फॉरवर्ड तुझे.. डिलिट माझे..

बसल्या बसल्या

घरातून मित्राशी 

सुरू झाली मोबाईलवर

एकमेकांत चौकशी

काय झाले रे बोटाला

पट्टी का बांधलीस अशी 

रोज चोवीस तास

मोबाईल असतो हाताशी

व्हाट्सअपवर करतो मी

पोस्ट "फॉरवर्ड"तुजशी

त्यामुळे सुजली तर्जनी

पट्टी बांधली आहे अशी

पण.. तुझ्याही बोटाला

पट्टी बांधलेली कशी

चोवीस तास माझाही

असतो मोबाईल हाताशी

"फॉरवर्डेड"वाचायला

तू मला सतत पाठवशी

ते सगळे वाचायला

वेळ कुठे माझ्यापाशी?

"डिलिट" करतो प्रत्येक

व्हिडिओ/पोस्ट कशीबशी

झाली माझ्या बोटाची बघ

शेवटी दुर्दशा ही अशी!