पुढे पुढे चालावे
पुढे पुढे चालावे
आयुष्याच्या रस्त्यावरती मार्गक्रमण करावे ।
पुढे पुढे चालत आपले ईप्सित साध्य करावे ॥
मार्ग जरी किती असेल अवघड,
वदनी हास्य विलसावे।
काटे जरी रुतले पायी,
गुलाबपुष्प सदा खुडावे ॥
जुन्या जाणत्या लोकांचे मार्गदर्शन घ्यावे।
ध्येय ठेवून एक मनामध्ये पुढे पुढे चालावे ।।
आशीर्वाद लाभतील तयांचे नम्र सदा वागावे।
शिकवण त्यांची मनी बाळगून जगात मोठे व्हावे ॥
पुढे पुढे चालत आपले ध्येय साध्य करावे।
कार्य आपले इतरांनाही मार्गदर्शक ठरावे॥
कीर्ती, प्रतिष्ठा, सौख्य-संपदा , सारे प्राप्त करावे।
पुढे चालत आयुष्याचे उच्च शिखर गाठावे॥