साडीची गोडी

लहानपणापासूनच मुलींना असते साडीची भलतीच गोडी

ताईची ओढणी गुंडाळून म्हणतात छान माझी साडी

बालवाडीत बालगीतांची गोडी आईने पण शिवली कल्पनासाडी

कल्पनासाडीला नाही कशाची तोड सगळेच म्हणतात राणी दिसते किती गोड

शाळेत गॅदरिंगला घातली कोळीसाडी

शेतकरी गीताला काष्ट्याची साडी

सेंडऑफला साडीची वेगळीच गोडी

साडीबरोबर गळ्यातल्या कानातल्याची आवड भारी

साडीच्या रंगात नटते छान

दादा म्हणतो आई आता हिला छानसं स्थळ आण

तिथून सुरुवात होते लग्नाच्या गोष्टींची

सारखेच येतात पाहुणे रोजचेच झाले साडी नेसणे

लग्नाच्या शालूची वेगळीच नक्षी

काठावर शोभतात मोर आणि पक्षी

माप ओलांडून केला प्रवेश सासरी

साडीची नि माझी मैत्री झाली हसरी