शाळेची सहल

अशी गंमत-जंमत

 आणि मौजमजा भारी,

 माझ्या शाळेची सहल

 संगतीला हवी यारी...

 सर श्रावणी बरसे

 साज शृंगार निसर्गा,

  तन-मना पुलकीत

  जणू एकरूप स्वर्गा...

  माझ्या शाळेची सहल

  अशा दिनी डोंगरावर,

  मोती झिरपती थेंब

   मोरनृत्य दृष्टीवर...

  हिरवाई पांघरूनी

  माथा साज चढविला,

   दृष्टी पारणे फिटले

   पाखरांनी नटविला...

   वन भोजन करीता

   बाल-गोपाळ जमले,

   रानमेवा चाखायला

   मन उताविळ झाले...

  मनसोक्त पहूडूनी

  किती हुंदड्या मारूनी,

   अशी सहल साजरी

   गेली अजब होऊनी...