श्रावण मास

श्रावण मास आला

धुंद सरींनी बरसला

सणांच्या किती तरी रंगाना 

तो घेऊन आला

भावा बहिणेचे पवित्र नाते

एका राखीने वरीसभर बांधते

रक्षा करण्याचे वचन ते

बहिण भावाकडून घेते

सोमवार श्रावणाचे

वातावरण उत्साहाचे

पूजन ते महादेवाचे

करी प्रसन्न कोपरे मनाचे

उपवास तपास

तरीही उल्हास

फराळाचा घास

करी प्रसन्न दैवी भास

देशाचे स्वतंत्र

मिळाले सोडून पारतंत्र्य

एकजूटीचा मंत्र

पसरला सर्वत्र