तू येशील तेव्हा
तू येशील तेव्हा
तू येशील तेव्हा, कळू दे
तुझ्या येण्याची चाहूल
सावकाश ये तू, राणी
वाजवू नकोस पाऊल
रिमझिम पाऊस सरींत
रूणूझुणू वाजती पैंजण
नागमोड्या देहाची आस
वेडा होई तुझा साजण
लाल साडी, रेशमी कुंतल
अंगावरून वाहती ओघळ
ओल्याचिंब शरीराने आपण
गीत गाऊ, बोलू मधाळ
मी तुझाच गं राजसा
तूच माझी प्रीतसखी
एकांताच्या सुंदर क्षणी
दोघे होवूयात सुखी
मिसळलो मी तुझ्यात असा
रंग जसा पाण्यात मिसळला
त्याच रंगात रंगू आपण
तुझ्यातच जीव विसावला