विषय:- पाणी पावसाचे अन् डोळ्यांतलेतील

पाणी पावसाचे भागवते कधी

तहान सृष्टीतल्या चराचराची |

पाणी डोळ्यातलं देते वेदना

प्राणी मात्राना आयुष्यभराची | |१| |

हल्ली फार भेडसावतोय

ओला व सुका दुष्काळ |

तमाम जनतेसाठी ठरतोय

जणू त्यांचाच कर्दनकाळ | |२| |

अतिवृष्टी कधी करी बेजार 

कधी भेडसावतेय अनावृष्टी |

कमी अधिक प्रमाणात येथे

धोक्यात येतेय सजीवसृष्टी | |३| |

पाण्या अभावी पीक करपते 

तहानेने व्याकूळ प्राणिजात | 

अतिवृष्टी ने विस्कळीत जिवन

पिकांसवे पशुधन वाहुन जात | |४| |

पाण्यासाठी कधी होते वणवण | 

सर्वस्व हिसकावून घेतो महापूर |

रोगांचा प्रार्दुभाव, जिवितहानी,

महागाईचा छळतो भस्मासूर | |५| |

ओसंडून वाहते कधी पाणी

तोटीच नसल्याने त्या नळा |

वाळवंटात सांडणीस करती

ठार सुकता पाण्याविना गळा | |६| |

नेमेचि येतो पावसाळा म्हणत

पाण्याचे महत्व नाहीं आठवत |

कित्येक गेले पावसाळे तरीही

धरणात पाणीच नाही साठवत | |७| |

तहानलेल्या जीवांना पाणी 

ठरते नावा प्रमाणेच जीवन |

हेच पाणी नाकातोंडात जाताच

बुडणा-याचे हिरावून ने जीवन | |८| |