ଆକାଂକ୍ଷା
ଆକାଂକ୍ଷା
ମନୁଷ୍ୟ ମନରେ ଭରିରହିଥାଏ
ଆଶା ଓ ଆକାଂକ୍ଷା କେତେ
ସବୁତ କେବେବି ପୂରଣ ହୁଏନା
ଏହି ଜନମର ପଥେ l
ଆକାଂକ୍ଷା ସହିତ କର୍ମ ନକରିଲେ
ହୋଇକି ପାରିବ ପୂର୍ଣ୍ଣ
ସୁପ୍ତ ସିଂହ କେବେ ଆହାର ପାଏନା
କର୍ମ ଅଟେ ବଳବାନ ll
ଆକାଂକ୍ଷା ପୂରଣ କରିବା ନିମନ୍ତେ
ଦୃଢ଼ ମନୋବଳ ଧରି
କର୍ମ କରୁଥିଲେ ଜୀବନ ମଧ୍ୟରେ
ସଫଳତା ଆଶା କରି l
ଅତ୍ୟଧିକ ଆଶା ଆକାଂକ୍ଷା କରିବା
ନୁହଁଇ କେବେବି ଭଲ
ଆକାଶରୁ ଚାନ୍ଦ ତୋଳିବା ର ଆଶା
ଦେଇଥାଏ ବ୍ୟର୍ଥ ଫଳ l
ଆଶା ଆକାଂକ୍ଷାକୁ ନେଇ ତ ଜୀବନ
ଶେଷ ନିଃଶ୍ୱାସ ଯାଏଁ
କିଛି ପୂରିଯାଏ କିଛି ରହିଯାଏ
ସବୁ କି ପୂରଣ ହୁଏ?