ଆମକୁ ଦିଅ ସଦବୁଦ୍ଧି
ଆମକୁ ଦିଅ ସଦବୁଦ୍ଧି
"ମାତୃଭୂମି ମାତୃଭାଷାରେ ମମତା
ଯା ହୃଦେ ଜନମି ନାହିଁ
ତାକୁ ଯଦି ଜ୍ଞାନୀ ଗୁଣୀରେ ଗଣିବା
ଅଜ୍ଞାନୀ ରହିବେ କାହିଁ " ।
କବି ଗଙ୍ଗାଧର ସ୍ୱଭାବ ସୁଲଭ
ଦିବ୍ୟ ତାଙ୍କ ଅନୁଭବ
କହିଛନ୍ତି ଯାହା ନୁହଁଇ ଅନ୍ୟଥା
ସତ୍ୟ ଅପ୍ରିୟ ଜ୍ୱଳନ୍ତ ।
ମାଆର ମମତା ଆଦର ସୋହାଗ
ମାତୃଭାଷା ମଧୁରତା
ନାହିଁ ତା ତୁଳନା ଅନ୍ୟ ସମକକ୍ଷ
ପ୍ରାଣମୟୀ ସେ ଅନନ୍ୟା ।
ସନ୍ତାନର ଧର୍ମ ପ୍ରଥମ କର୍ତ୍ତବ୍ୟ
ମାତାଙ୍କ ମହତ ରକ୍ଷା
ମାତାଙ୍କ ମଙ୍ଗଳ ମାତାଙ୍କ ସମ୍ମାନେ
ହୁଏ ଜୀବନ ସୁରକ୍ଷା ।
ଜଗତର ନାଥ ହୁଅନ୍ତୁ ସହାୟ
ଆମକୁ ମିଳୁ ସଦବୁଦ୍ଧି
ନରହନ୍ତୁ କେହି ଅଜ୍ଞାନୀ ମୁରୁଖ
ଜାତିର ହେଉ ସମୃଦ୍ଧି ।