Library
ଆମରି ନାଆ ରେ ଆମେ ନାଉରୀ.
ଆମରି ନାଆ ରେ ଆମେ ନାଉରୀ.
ମାଆ ବୋଲି ଯିଏ ବିଶ୍ୱରେ ବନ୍ଦିତା
ପତିତପାବନ ଗାଏ ଯାର ଗାଥା
ସିଏ ଆଉ କିଏ ନୁହେଁ ରେ
ମମତାମୟୀ ସେ ବୀର ପ୍ରସବିନୀ
ମୋ ଭାରତ ମାଆ ସିଏ ରେ,
ସିଏ ଆଉ କିଏ ନୁହେଁ ରେ |
ତା ସନ୍ତାନ ବୋଲି ମନେ ମୋର ଦମ୍ଭ
ଅନ୍ତରେ ଭରିଛି ତା ପାଇଁ ପ୍ରେମ |
ଯାହାର ମମତା ସ୍ୱର୍ଗ ପାରିଜାତ
ସିଏ ଆଉ କିଏ ନୁହେଁ ରେ
ମୋ ଭାରତ ମାଆ ସିଏ ରେ
ସିଏ ଆଉ କିଏ ନୁହେଁ ରେ |
ପ୍ରାଣ ପ୍ରବାହିନୀ ତା ଅହିଂସାବାଣୀ
ବାଳୁତ ବାଜିଆ ଯା ମଥା ର ମଣି
କେତେ ସୁର ନର ବିଜୟବାରତା
ଗୋଟି ଗୋଟି କରି କହେ ରେ
ସିଏ ଆଉ କିଏ ନୁହେଁ ରେ
ମୋ ଭାରତ ମା ସିଏ ରେ
ସିଏ ଆଉ କିଏ ନୁହେଁ ରେ |
ଜାଗ୍ରତ ପ୍ରହରୀ ନେତାଜୀ ସୁବାଷ
ବକ୍ସି ଜଗବନ୍ଧୁ ଗୋପବନ୍ଧୁ ଦାସ
ଏ ଦେଶ ର ନାରୀ ହାତେ ଅସ୍ତ୍ର ଧରି
ଘରୁ ଗୋଡ଼କାଢି ଧାଏଁ ରେ
ସିଏ ଆଉ କିଏ ନୁହେଁ ରେ
ମୋ ଭାରତ ମା ସିଏ ରେ
ସିଏ ଆଉ କିଏ ନୁହେଁ ରେ |
କେତେ କେତେ କବି ଲେଖନୀ ଚଳାଇ
ଅମର ହୋଇଲେ ତୋ ମହିମା ଗାଇ
ଏ ଦେଶ ର ଯଶ ଗଉରବ ଗାଥା
ଅନ୍ତରେ ଝଙ୍କୃତ ହୁଏ ରେ
ସିଏ ଆଉ କିଏ ନୁହେଁ ରେ
ମୋ ଭାରତ ମା ସିଏ ରେ
ସିଏ ଆଉ କିଏ ନୁହେଁ ରେ |
କେତେ ଭାଗ୍ୟବାନ ମୁଁ ଆଜି ସତେ
ଗାଇବି ତୋ ଗୀତି ମୁକତି ର ମନ୍ତ୍ରେ
ତୋ ପାଦ ଯୁଗଳେ ସଜାଇ କୁସୁମ
ତୋ ପାଦ ରେ ମଥା ନୁଏଁ ରେ
ସିଏ ଆଉ କିଏ ନୁହେଁ ରେ
ମୋ ଭାରତ ମା ସିଏ ରେ
ସିଏ ଆଉ କିଏ ନୁହେଁ ରେ |
