ଆଶାର ଆଷାଢ
ଆଶାର ଆଷାଢ
1 min
186
କଥା ଦେଇଥିଲା ଆଶାର ଆଷାଢ
ହାତ ପରେ ରଖି ହାତ
ମେଘ ସବାରୀରେ ଆସିବ ମୋ ପ୍ରିୟା
ସପନ ହୋଇବ ସତ ।
ଦୋଳି ଖେଳୁଥିବ ମେଘେ ମହ୍ଲାର
ଅଜାଡି ଦେଇ ତା’ ପ୍ରୀତି ସଂଭାର
ଗୀତ ଗାଉଥିବ ପୂବେଇ ବାଆ
ମନ ତଳ ନିଶା ପିରତୀ ଛୁଆଁ
ମଉସୁମୀ ଝରା ପ୍ରୀତିର ବରଷା
କରୁଥିବ ଅଣାୟତ ।
ଚପଳା ଚମକେ ଝାପସା ମୁହଁ ତାର
ଦିଶିଯାଏ ମଧୁ ଝରା ଅଧର
ପ୍ରଥମ ଛୁଆଁର ପ୍ରଥମ ବର୍ଷା
ମେଣ୍ଟେ ନାହିଁ ଶୋଷ ବଢାଏ ତୃଷା
ଉଠୁଥିବ ମାତି ତା’ ମିଠା ଛୁଆଁରେ
ଚୁମି ବାକୁ ଓଦା ଓଠ ।