ଅର୍ଜୁନଙ୍କ ବିଶ୍ଵରୂପ ପ୍ରାର୍ଥନା
ଅର୍ଜୁନଙ୍କ ବିଶ୍ଵରୂପ ପ୍ରାର୍ଥନା
ହରଷେ କହନ୍ତି ଅର୍ଜୁନ
ହେ ପ୍ରେମମୟ ନାରାୟଣ l
କହିଲୁ ପ୍ରେମ ବହି ମୋତେ
ଆଧ୍ୟାତ୍ମ ଗୁପ୍ତ ଜ୍ଞାନ ଯେତେ l
ଗୁହ୍ୟ ସେ ଅତି ଗୁହ୍ୟତମ
ଦୂର ହୋଇଲା ମୋହ ମମ l
ବିସ୍ତାରେ କହିଲୁ ତୁ ମୋତେ
ଜୀବର ଜନ୍ମ କର୍ମ ଯେତେ l
ସ୍ଥିତି, ବିଲୟ, ଆବିର୍ଭାବ
ଯାହା ତୋ ବିଭୁତି ସମ୍ଭବ l
ଶ୍ରବଣେ ବିଭୁତି ତୋହର
ସଂଶୟ ସର୍ବ ଗଲା ଦୂର l
ପବିତ୍ର ହୃଦ, ଗାତ୍ର, ମନ
ହେ ପ୍ରଭୁ କମଳ ଲୋଚନ l
ବିଶ୍ୱ ନିୟନ୍ତା ଯୋଗେଶ୍ୱର
ହେ ପ୍ରଭୁ ପରମ ଈଶ୍ୱର l
ପୁରୁଷୋତ୍ତମ ଭାବଗ୍ରାହୀ
ତୋତେ ଜାଣିଲି ପ୍ରଭୁ ମୁହିଁ l
ବିଭୁତି ବର୍ଣ୍ଣିଲୁ ତୁ ଯାହା
ଜାଣିଲି ତୋତେ ମୁହିଁ ତାହା l
ବାସନା ଜାଗେ ମନେ ଅତି
ତୋ ବିଶ୍ୱ ରୂପକୁ ଦେଖନ୍ତି l
ଦେଖାଇ ସେ ରୂପ କୃତାର୍ଥ l
କରନ୍ତୁ ମୋତେ ଜଗନ୍ନାଥ l
ଦର୍ଶନେ ମୁଁ ଯଦି ଭାଜନ
କୃପା କରନ୍ତୁ ଭଗବାନ l
ପରମ ପ୍ରଭୁ ଯୋଗେଶ୍ୱର
ପୁରାଅ କାମନା ମୋହର ।
ବିଶ୍ୱମୋହନ ରୂପ ଦେଖି
ଅବଗାହିବି ଚର୍ମ ଆଖି l