ଚାତକ
ଚାତକ
1 min
244
ତୁମକୁ ଭାବନା ଓଢଣୀ ତଳେ
ଜୀବନ ମୋ ବନ୍ଧା ପଡିଛି
ମୋ ସ୍ୱପ୍ନ ଆଶା କାନିରେ ତୁମ
ଗଣ୍ଠି ହୋଇ ଝୁଲୁଅଛି।
ତୁମକୁ ଛାଡି ବଞ୍ଚିବା ମୋର
ଅସହ୍ୟ ଯନ୍ତ୍ରଣା ଦେଉଛି
ତୁମକୁ ନେଇ ବଢିବା ପାଇଁ
ସବୁ ରାସ୍ତା ବନ୍ଦ ହୋଇଛି।
ସମତଳ ପରେ ବିନ୍ଦୁଟିଏ ମୁଁ ଯେ
ସ୍ଥିତି ଅସ୍ତିତ୍ବ ହରାଇଛି
ଜୀବନର ମାନେ କିଛି ନାହିଁ ମୋର
କେବଳ ଶୁନ୍ୟତା ଭରିଛି।
ବଢ଼ଇ ବୟସ ଦିନୁ ଦିନୁ ମୋର
ନିଃସଙ୍ଗତାକୁ ସଙ୍ଗକରିଛି
ଚାତକ ପରି ବରଷା କୁ ଚାହିଁ
ତୃଷିତ ହୃଦୟେ ଝୁରୁଛି।