ଦିଗହଜା ନାଉରୀଟେ ମୁଁ
ଦିଗହଜା ନାଉରୀଟେ ମୁଁ
ଦିଗହଜା ନାଉରୀ ଟେ ମୁଁ ଏ ସଂସାରେ
ମେଲି ଦେଇଛି ମୋ ଦଦରା ନାଆକୁ
ଜାଣେନା କୂଳରେ ଲାଗିବ କି ନାହିଁ
ବିଶ୍ୱାସେ ଧରିଛି ତୋର ନାଆଁ କୁ |
କରିଥିବା କର୍ମ ଫଳ ଭୋଗୁଅଛି
ତୁମ କୁ କାହିଁକି ଦୋଷ ମୁଁ ଦେବି
ତୁମେ ଦେଇଥିଲେ ମୁଁ ତରି ଥାନ୍ତି
କାହିଁକି କହି ମୁଁ ପାପ କରିବି |
ଦାରୁଣ ହୃଦୟ ତୁମରି ପ୍ରଭୁ ହେ
ଦେଇଛ ଯାତନା ମୋରକପାଳରେ
ସହିବାକୁ ହେବ ଜାଣି ମୁଁ ଗଲିଣ
ଖାଲି ଟିକେ ଶକ୍ତିଦିଅହେ ଠାକୁରେ!
ମୋ ଠାରୁ ଅଧିକ ଜଣେ ଦୀନଜନ
କିଏକାହିଁ ଅଛି ଏ ସାରା ଭୁବନ
କରି ନାହିଁ ସେବା ପିତାମାତଙ୍କର
ଦେଇନାହିଁ ଶାନ୍ତି ଜୀବନେ କାହାର |
ମୂଢ଼ ପଣେ ଦୁଃଖ ଦେଇଛି ଅନେକ
କାହାକୁ କେବେ ବି ଦେଇନାହିଁ ସୁଖ
କରିଥିବା କର୍ମ ଦେଉଅଛି ଦୁଃଖ
ଭୋଗିବାକୁ କିଆଁ ହେବି ମୁଁ ବିମୂଖ |
ଜୀବନେ ପଥରେ ବିଛାଇଲେ କଣ୍ଟା
ଚାଲିଯିବି ଭାବି ତୁମ କରୁଣାର ଛିଟା
ଯାତନା ତୁମରି ଅମୃତ ର ଧାର
ଝରାଅ ହେ ପ୍ରଭୁ ମୋ ସୁପ୍ତ ପ୍ରାଣର |
ଦିଗହଜା ନାଉରୀ ବାପୁଡ଼ାଟେ ମୁଁ
ଦୟାବହି ମୋତେ ଲଗାଅ କୂଳରେ
ତୁମ ପଦାଗ୍ରତେ ଏତିକି ଵିନତୀ
ଆନମନା ମୋତେ କରନି ଠାକୁରେ ।