ଗୁରୁ ପଥଦ୍ରଷ୍ଟା, ଉଚ୍ଚମନା
ଗୁରୁ ପଥଦ୍ରଷ୍ଟା, ଉଚ୍ଚମନା
ଆହେ ଗୁରୁଦେବ .....
ତୁମେ ମହେଶ୍ବର ତୁମେ ହିଁ ପରମ
ତୁମେ ଜ୍ଞାନ ବୁଦ୍ଧି ଦାତ୍ତା;
ତୁମେ ଅଣାକାର ତୁମେ ହିଁ ଧରମ
ତୁମେ ଜୀବନର ଆସ୍ଥା ।।
ଆହେ ଗୁରୁଦେବ .....
ତୁମେ ପୂର୍ଣ୍ଣବ୍ରହ୍ମ ତୁମେ ହିଁ ଆୟୁଧ
ତୁମେ ଅବଧାନ ମାନ;
ତୁମେ ପୂର୍ଣ୍ଣଯୋଗ ତୁମେ ହିଁ ପୂଣ୍ଯତଃ
ତୁମେ ମାନ ଅଭିମାନ ।।
ଆହେ ଗୁରୁଦେବ .....
ତୁମେ ମହାସିଦ୍ଧ ତୁମେ ହିଁ ପ୍ରବୁଦ୍ଧ
ତୁମେ ପ୍ରାଣ ପ୍ରୀୟ ମିତ;
ତୁମେ ଗଙ୍ଗାଜଳ ତୁମେ ହିଁ ନିର୍ମଳ
ତୁମେ ଥିଲେ ନାହିଁ ଭୀତ ।।
ଆହେ ଗୁରୁଦେବ .....
ତୁମେ ଉଚ୍ଚମନା ତୁମେ ହିଁ ଶିକ୍ଷକ
ତୁମେ ମୁକ୍ତି ପ୍ରଦାୟକ;
ତୁମେ ଦିବ୍ଯାଲୋକ ତୁମେ ହିଁ ରକ୍ଷକ
ତୁମେ ମାରଗ ଦର୍ଶକ ।।
ଆହେ ଗୁରୁଦେବ .....
ତୁମେ ଗରୀୟାନ ତୁମେ ହିଁ ମହାନ
ତୁମେ ପିତା ମାତା ଈଶ;
ତୁମେ ପଥଦ୍ରଷ୍ଟା ତୁମେ ହିଁ ନମନ
ତୁମେ ପରା ଶୁଭାଶିଷ ।।
ଆହେ ଗୁରୁଦେବ .....
ତୁମେ ମହୀୟାନ ତୁମେ ହିଁ ମାଧବ
ତୁମେ ନିତ୍ଯ ନିରଞ୍ଜନ;
ତୁମେ ଦିବ୍ଯଜ୍ଞାନୀ ତୁମେ ହିଁ ସାଧକ
ତୁମେ ସତ୍ଯ ଚିରନ୍ତନ ।।
ଆହେ ଗୁରୁଦେବ .....
ତୁମେ ନିରାକାର ତୁମେ ହିଁ ଭକତି
ତୁମେ ଶମ ଦମ କ୍ଷମା;
ତୁମେ ନିର୍ବିକାର ତୁମେ ହିଁ ଶକତି
ତୁମେ ସାକ୍ଷାତ ଉପମା ।।
ଆହେ ଗୁରୁଦେବ .....
ତୁମେ ଜ୍ଞାନଗଙ୍ଗା ତୁମେ ହିଁ ଚେତନା
ତୁମେ ସୁଖ ସ୍ମିତ ହାସ୍ଯ;
ତୁମେ ସ୍ନେହରଙ୍କା ତୁମେ ହିଁ ଆପଣା
ତୁମେ ସୁଖେ ସ୍ଥିର ସତ୍ଯ ।।