ହେ ଶୀତ
ହେ ଶୀତ
ହେ ଶୀତ, ମୁଁ ଜାଣିଥିଲି
ତୁମେ ନିଶ୍ଚୟ ଆସିବ !
ଏକା ଆସିବନି ସାଙ୍ଗରେ ଆଣିବ
କାକର ଆଉ ଶୀତୁଆ ପାଗକୁ !
ଏଥର କିନ୍ତୁ ଆସିବା ତୁମର
ହୋଇଗଲା ଡେରି !
ତଥାପି ଅପେକ୍ଷା କରିଛି ମୁଁ
ଲଭିବି ତୁମର ସାନିଧ୍ୟ !
ପାଇବି ଶୀତ ଭରା ଅପାର ଆନନ୍ଦ
ରାତିରେ ରେଜେଇ ଭିତରେ
ଉଷୁମ ଟାଣି !
ଶୀତୁଆ ସକାଳରେ ଥୁରୁ ଥୁରୁ
ହୋଇଯାଏ ଦେହ ମନ
ହାଲକା ପବନଟା ବାଜିଲେ ଦେହରେ
ଥରି ଉଠେ ହାଡ଼ ମାଂସର
ଶରୀରଟା !
ହେଲେ ସକାଳୁ ନିଆଁ ପୁଇଁବାର ମଜା
ବର୍ଣ୍ଣନା କରି ପାରିବିନି
ତୋହରି ଆଗରେ !
ହଁ,ମନ ଶାନ୍ତି କରି ଖାଉଛି ମୁଁ
ସବୁଜ ପରିବା
ପୁଣି ଶସ୍ତା ଦରରେ !
କେତେ ରାତି କଟାଉଛି
ଅପେରା ପାଟିରେ ଦେଖି
ରେକର୍ଡ଼୍ ଡାନ୍ସର ରୋମାଣ୍ଟିକ୍
ନୃତ୍ୟକୁ ପେଣ୍ଡାଲ ଉପରେ !
ଅବଶ୍ୟ ବେଶୀ ହଇରାଣ
ହୋଇଥାନ୍ତି ବୁଢ଼ା ବୁଢୀମାନେ
ତାଙ୍କର ଚମ ଧୁଡୁ ଧୁଡୁ
ଦେହରେ ଥରି ଥରି
ଉଠା ବସା କରିବାପାଇଁ !
କିନ୍ତୁ ମଜାଦାର କରିଦିଅ
ଯେତିକି ଦିନ ଆସିଥାଅ ତୁମେ !
ତୁମେ ନଆସିଥିଲେ
ଆଜିକାର ପୁଅ ଝିଅ ମାନେ
କି ବୟସ୍କ ବ୍ୟକ୍ତି ମାନେ
ସକାଳୁ ସକାଳୁ
ରାସ୍ତାରେ ଚାଲିବାର ଦୃଶ୍ୟ
ମିଳନ୍ତା କେଉଠୁ ?
ବହୁତ ବହୁତ ଧନ୍ୟବାଦ ତୁମକୁ !