ହଜାରେ ଆଖିର ପହରା ଆଡ଼େଇ ତୁମକୁ ଆଣିଛି କାଢ଼ି
ହଜାରେ ଆଖିର ପହରା ଆଡ଼େଇ ତୁମକୁ ଆଣିଛି କାଢ଼ି
ହଜାରେ ଆଖିର ପହରା ଆଡ଼େଇ
ତୁମକୁ ଆଣିଛି କାଢ଼ି,
ମୋ ମନ ବଗିଚା ଫୁଲର ସହରେ
ତୁମେ ଯେ ସୁନ୍ଦରୀ କଢ଼ି
..........ହଜାରେ ଆଖିର ପହରା ଆଡ଼େଇ
ତୁମକୁ ଆଣିଛି କାଢ଼ି ! ୦ !
ଭାବର ମଳୟେ ଦୋହଲି ଯାଉଛ
ସହଜେ ମୁରୁକି ହସି
ସରମ ଏମିତି ଛାଟୁଛ ସତରେ
ପାଖରୁ ଦୂରକୁ ଖସି,
ଘଟିଆ ଓଠରେ ରଙ୍ଗିନ୍ କାହାଣୀ
ଅକୁହା ହେଉଛି ପଢ଼ି
..........ହଜାରେ ଆଖିର ପହରା ଆଡ଼େଇ
ତୁମକୁ ଆଣିଛି କାଢ଼ି ! ୧ !
କୁହୁକ ପରୀର ମର୍ଯ୍ୟାଦା ଭିତରେ
ତୁମକୁ ସଜାଇ ପୁଣି
ଆଶାର ତାରକା କୁସୁମ ତୋଳାରେ
ସୌଭାଗ୍ୟ ପାରିଛି ମଣି,
ପୂର୍ଣ୍ଣିମା ଜହ୍ନକୁ ତୁମେ ତ ସାଜିଛ
ଉଜାଣି ନଈର ବଢ଼ି
..........ହଜାରେ ଆଖିର ପହରା ଆଡ଼େଇ
ତୁମକୁ ଆଣିଛି କାଢ଼ି ! ୨ !