ମଥାରେ ତୁମର ଜହ୍ନଉଏଁ
ମଥାରେ ତୁମର ଜହ୍ନଉଏଁ
1 min
234
ଓଠରୁ ତୁମର ମହୁ ଝରୁଥାଏ
ଆଖିରୁ ଜୋଛନା ଝରେ
ତୁମରି ଲାଜୁଆ ଚାହାଣୀରେ ସଖୀ
ମନେ ମୋ ପୁଲକ ଭରେ I
କେଶରେ ତୁମର ମେଘୁଆ ଆକାଶ
ମଥାରେ ଉଅଁଇ ଜହ୍ନ
ତୁମରି ମୁହଁରେ ହସ ଦେଖିଦେଲେ
ଉଲ୍ଲସିତ ହୁଏ ମନ I
ତୁମକୁ ଛୁଇଁଲେ ଲାଗେ ମୋତେ ଅବା
ଛୁଏଁ ମୁଁ ଆକାଶ ଛାତି
ତୁମରି ଦେହରୁ ଝରେ ମୋ ପାଇଁକି
କେତେ ହୀରା ଲୀଳା ମୋତି I
ସେଇ ରତ୍ନ ସବୁ ସାଇତି ରଖିଛି
ହୃଦ ସିନ୍ଦୁକରେ ମୋର
ସେ ସବୁକୁ ନେଇ ଦିନେ ତୁମପାଇଁ
ଗଢିଦେବି ଗୋଟେ ଘର I
ସେଇ ଘରେ ଦେଖି ତୁମରି ରୂପକୁ
ସରବେ କରିବେ ଈର୍ଷା
ସେ ଘରେ ତୁମକୁ ଦେଖିଦେଲେ ସଖୀ
ଡରିଯିବେ ଝଡ ବର୍ଷା I
ରାତିର ଅନ୍ଧାର ପାଖ ମାଡିବନି
ମଳୟ ବହିବ ଧିରେ
ମଧୁର କଣ୍ଠରେ କୋଇଲି ଗାଇବ
ତୁମ ମନ ତରୁ ଡାଳେ I