ନିରାକାର ପ୍ରଭୁ
ନିରାକାର ପ୍ରଭୁ
କ୍ଷୀରରେ ରହିଛି ଲହୁଣୀ ସିନା ଲୋ
ଲହୁଣୀରେ ଅଛି ଘିଅ
ସେହିପରି ଏହି ସାରା ସଂସାରରେ
ଲୁଚି ଅଛି କଳାଦିଅଁ ଲୋ।। ୨
ଦହିକୁ ମନ୍ଥିଲେ ଲହୁଣୀ ସିନା ଲୋ
ଲହୁଣୀ ମାରିଲେ ଘିଅ
ସାରା ସଂସାରକୁ ଭକତି ଦଣ୍ଡରେ
ଯେଵେତୁ ମନ୍ଥି ପାରିବୁ ଲୋ
ନିରାକାର ବ୍ରହ୍ମ ତେବେ ଯାଇ ତୁ ପାଇବୁ ଲୋ,
ତେବେ ଯାଇ ତୁ ପାଇବୁ।।
ନିରଞ୍ଜନ ନିରାକାର ଭଗବାନ
ଅଛନ୍ତି ସେ ସର୍ବବ୍ୟାପୀ
ନର, ପଶୁ, ପକ୍ଷୀ, କୀଟ, ତରୁଲତା
ସବୁଠାରେଛନ୍ତି ଛପି ଲୋ।।୨
କେଉଁ ନାମ ଧରି ଡାକିବି
ନାମ ଯାର ଜଣା ନାହିଁ
କେଉଁ ରୂପରେ ମୁଁ ସେବିବି
ରୂପ ଖୋଜି ପାଉ ନାହିଁ ଲୋ।। ୨
ମୁଁ ଯେ ଅକିଞ୍ଚନ ଭକ୍ତିରେ ହୀନ
ଏତେ ଭାଗ୍ୟ ମୋର କାହିଁ?
ଭକତି ଅନ୍ତରେ ଜଣାଏ ମିନତି
ଦୟାକର ଭାବଗ୍ରାହୀ ଲୋ
ଦୟାକର ଭାବଗ୍ରାହୀ।।