ପରକୀୟା ପ୍ରୀତି
ପରକୀୟା ପ୍ରୀତି
ପ୍ରକୃତି ପୁରୁଷ ପ୍ରୀତିରେ ମାତି
ସଂସାରେ ଜୀବନ ହୁଅଇ ଗତି
ପ୍ରେମ ପାଇ ଜୀବ ଘୁରାଏ ମତି
ଲୁଚା ଚୋରା ପ୍ରୀତି ଆଣେ ଦୁର୍ଗତି
ସାମାଜିକ ରୀତି ନୀତି ଯେ
କରେ ଶୃଙ୍ଖଳିତ ଚରିତ୍ର ବ୍ୟକ୍ତିତ୍ୱ
ଭରିଦିଏ ଶାନ୍ତି ମୈତ୍ରୀ ଯେ l
ପରକିୟା ପ୍ରୀତି ମନରେ ଭୀତି
ଆଣେ ଅପନିନ୍ଦା ରୋକେ ପ୍ରଗତି
ହରାଏ ବିଶ୍ୱାସ ସମ୍ପର୍କେ ଇତି
ହସଇ ଦୁନିଆଁ ହୁଅଇ କ୍ଷତି
ସଂଯମ ବିହୀନ ବ୍ୟକ୍ତି ଯେ
ହରାଏ ନିଜତ୍ୱ କାମନା ଜଡିତ
କରିବସେ ପ୍ରେମ ପ୍ରୀତି ଯେ l
ନିଜ ଧର୍ମପତ୍ନୀ ବିଶ୍ୱସୁନ୍ଦରୀ
ମନ ବୁଝେ ନାହିଁ ଦର୍ଶନେ ନାରୀ
ପ୍ରେମ ପାଇଁ ନର କରେ ଗୁହାରୀ
ପରକିୟା ପ୍ରୀତି ମନରେ ଭରୀ
ସ୍ନେହଭାବ ବଢ଼ାଇକି ଯେ
ମନର ଭାବନା ଦେହର ବାସନା
ଚରିତାର୍ଥ କରିଥାଇ ଯେ l
ହୁଏ ଛାରଖାର ହାରେ ସମ୍ମାନ
ଭାଙ୍ଗେ ନିଜ ଘର ପ୍ରୀତି କାରଣ
କ୍ଷଣିକ ଅଟଇ ଧନ ଯୌବନ
ନିମିଷେ ହରାଏ ଗୌରବ ଜାଣ
ପରକିୟା ପ୍ରୀତି ପାଇଁ ଯେ
ସମାଜେ ସ୍ଖଳନ ହୋଇ ହୀନିମାନ
ପରିବାର ଭାଙ୍ଗୁଥାଇ ଯେ l