ପ୍ରଶ୍ନୋତ୍ତରୀ

ଢଳ ଢଳ ଫୁଟିଲା ଫୁଲର ସୌନ୍ଦର୍ଯ୍ୟ 

ପାଖୁଡାରେ ଥାଏ ନା

ପାଖୁଡାର ସମଷ୍ଟିରେ ।

ଛଳ ଛଳ ହଲିଲା ଫୁଲର ସୌକୁମାର୍ଯ୍ୟ

ପରାଗ ରେଣୁରେ ଥାଏ ନା

ସୁରଭି ବେଣୁରେ ।

ଦଳ ଦଳ ହସିଲା ଫୁଲର କୌମାର୍ଯ୍ୟ

ସୁଗନ୍ଧ ସୁବାସରେ ଥାଏ ନା

ଦେଖୁଥିବା ଲୋକର ହସରେ ।

ଚପଳ ଛନ୍ଦରେ ପଚାରିଲା କୁନି ଝିଅ

ଜେଜେବାପା ହାତ ଧରି 

ଫୁଲ ବଗିଚାରେ ଘୁରୁଥିଲା ଚକିରି

ଦୈଡୁଥିଲା ଘୁରି ଘୁରି ।

ଘାସ ଗାଲିଚାରେ ପାଖରେ ବସେଇ 

ସିମେଣ୍ଟ ବେଞ୍ଚରେ କାନ୍ଧରେ ହାତ ଥୋଇ

ନାତୁଣୀ - ଜେଜେବାପା ଦୁଇ

କପୋଥକଥନ କରୁଥାନ୍ତି 

ଅନର୍ଗଳ ଗପୁଥାନ୍ତି 

ପ୍ରଶ୍ନୋତ୍ତରୀ ଧାରାରେ ତଥ୍ୟ-ତର୍କ ଥୋଇ ।

 

ଫୁଲ ଫୁଟିଲେ ବାସେ

ଚହଟେ ଚଉପାଶେ

ମାଳ ହେଇ ଠାକୁର ବେକରେ ସୁବାସେ

ପୁଷ୍ପାଞ୍ଜଳି ବେଳେ ଅଞ୍ଜଳି ମଧ୍ୟରେ ହସେ

ପ୍ରଭୁ ଶ୍ରୀଚରଣ ଛୁଉଁ 

ପଙ୍କଜ ପାଦ ଭୂଇଁ 

ଅର୍ପଣ ତର୍ପଣ ସମର୍ପଣ 

ବିଭୁ ପଦାରବିନ୍ଦେ ମୋକ୍ଷ କଣ କଣ ।