ସାଧୁସଙ୍ଗ
ସାଧୁସଙ୍ଗ
ଜୀବନ ତୋହରି କର୍ମଯେ ମୋହରି
ସୃଷ୍ଟି କରି ଅଛୁ, ହେ ମୁରଲୀଧାରୀ
ଘେନ ତୁ ଭକ୍ତ ଗୁହାରି
ବ୍ରହ୍ମାଣ୍ଡ କର୍ତ୍ତା ଶ୍ରୀହରି
ଅନ୍ତର୍ଗତେ ନାମ,ଗୁଞ୍ଜୁ ହେ ମୁରାରୀ ।
ସାଧୁସଙ୍ଗ କରି ଜ୍ଞାନ ପ୍ରାପ୍ତ କରି
କରିବା ସମାଜେ ବିସ୍ତାର ତାହାରି
କର୍ମ ପାଇଁ ନର ଜନ୍ମ
ବୃଥା ନ କର ଜୀବନ
ସାଧୁସଙ୍ଗ ଦ୍ବାରା,ଜ୍ଞାନ ନିଅ ଭରି ।
କୃଷ୍ଣ କଳା କୀର୍ତ୍ତି କୃଷ୍ଣ ଦିବ୍ୟ ଜ୍ୟୋତି
ପ୍ରେମ ପ୍ରୀତି ଶ୍ରଦ୍ଧା ବ୍ରହ୍ମାଣ୍ଡ ବିଭୂତି
ସାଧୁସଙ୍ଗ ଦିଏ, ଜ୍ଞାନ
ଦାରୁବ୍ରହ୍ମଙ୍କ, ବିଜ୍ଞାନ
କାଳିଆର ପ୍ରୀତି, ପୁରୀ କ୍ଷେତ୍ରେ ଭକ୍ତି ।
ଆସ ଭାଇ ଆସ କର ଶଙ୍କା ଦୂର
ସତ୍ୟ ଜ୍ଞାନ ପ୍ରାପ୍ତି କର ନିରନ୍ତର
କାଳିଆ ଭକ୍ତି ସର୍ବାଙ୍ଗ
ଧର୍ମ ପଥ ସାଧୁସଙ୍ଗ
ଦୁର୍ଲ୍ଲଭ ଜୀବନ, ପାଇ ଅଛୁ ନର ।
ଶକ୍ତି ଦିଅ ପ୍ରଭୁ ଜଗା କୃଷ୍ଣ ରାମ
ତୁହି ଶକ୍ତି ଜ୍ଞାନ ତୁହି ପରାକ୍ରମ
କାହ୍ନୁ କୃଷ୍ଣ ରାମ ନାମ
ଗୁଞ୍ଜୁ ମହା ମନ୍ତ୍ର ନାମ
ତୁହି ସୃଷ୍ଟିକର୍ତ୍ତା,ତୁହି କୃଷ୍ଣ ରାମ ।