ଶ୍ରୀ ହରି
ଶ୍ରୀ ହରି
ପଶ୍ଚିମ ଆକାଶେ ଅସ୍ତଗାମୀ ସୂର୍ଯ୍ୟ
ଗୋଧୂଳି ଲଗନ ଧୂପ ।
ରଞ୍ଜିତ ପୂର୍ଣ୍ଣ ଅସ୍ତରବି ଆଭା
ତେଜ ହରା ଭାନୁ ତାପ ।।
କେତକୀ ଫୁଲର ସୁମଧୁର ବାସ୍ନା
ଭାସିଆସେ ମଳୟରେ ।
ଘଣ୍ଟ ଘଣ୍ଟା ଶବ୍ଦ ଦୂରୁ ଶୁଭୁଚି ଲୋ
ଆମ ଗାଁ ଦେବାଳୟରେ ।।
ମନ ମୋର ହୁଏ ଆବେଗ ସମ୍ପୂର୍ଣ୍ଣା
ଦେବା ଦେବୀ ଦର୍ଶନରେ ।
ମନେହୁଏ ଆଜି ମନ୍ଦିର ରଞ୍ଜିତ
କରିଛନ୍ତି କେ ଭକ୍ତିରେ ।।
ମନରେ ଆବୃତ୍ତି ଭଗବାନ ନୀତି
କରେ ମୁହିଁ ଅହ ନିଶି ।
ଅତି ନିଷ୍ଠାପର ଭକ୍ତିରେ ଅତୁଟ
ଉଚ୍ଛ୍ୱସିତ ଦୁଃଖ ରାଶି ।।
ଖୁସିର ମହ୍ଲାର ବିଛାଡି ଦିଅନ୍ତି
ବିଜୁଳି ବେଗରେ ନିତ୍ୟ ।
କଅଁଳ ବଚନେ ମନ ପ୍ରାଣ ତୋଳି
ଅର୍ପଣ କରନ୍ତି ସତ୍ୟ ।।
ସ୍ପନ୍ଦନ ସ୍ପର୍ଶିତ ଭକ୍ତିର ସାଗର
ଭକ୍ତ ବତ୍ସଳ ଶ୍ରୀ ହରି ।
ତାଙ୍କ ଶ୍ରୀ ଚରଣେ ଭକ୍ତି ଅର୍ଘ୍ୟ ଥାଳି
ନିତ୍ୟ ସମର୍ପଣ କରି ।।
ସବୁଜ ତୁଳସୀ ପାଟୁଙ୍ଗାରେ ବାନ୍ଧି
ହୃଦୟରେ ଦ୍ୟନ୍ତି ପିନ୍ଧି ।
ଅତି ଆଦରରେ ମାଳତୀ ଫୁଲର
ମହକେ ହୁଅନ୍ତି ବାନ୍ଧି ।।
ଭକ୍ତ ବତ୍ସଳ ସେ ଭକତିରେ ବନ୍ଧା
ଭକ୍ତିରେ ପ୍ରସନ୍ନ ସତ ।
ମନର ଭକ୍ତିରେ ଅର୍ପଣ କରୁଛି
ଶତାଧିକ ପ୍ରଣିପାତ ।।