Library
ତୁମରି ନାଆଁରେ ସକାଳ ଆରମ୍ଭ
ତୁମରି ନାଆଁରେ ସକାଳ ଆରମ୍ଭ
ତୁମରି ନାଆଁରେ ସକାଳ ଆରମ୍ଭ
ତୁମରି ନାଆଁରେ ହୁଏ ଶୁଭ ଲାଭ,
ହେ ଜଗନ୍ନାଥ ହେ ପ୍ରଭୁ ଜଗନ୍ନାଥ
ତୁମରି ନାଆଁରେ ସକାଳ ଆରମ୍ଭ ।
ଭବରେ ଭାବରେ ଦେଖାଅ ସୁପଥ,
ତୁମ ନିର୍ଦ୍ଦେଶେ ଚାଲେ ଶରୀର ରଥ,
ତୁମରି ଚରଣେ ତ ସକଳ ତୀର୍ଥ
ପୂରଣ କରାଅ ବାରେ ମନୋରଥ ।
ହେ ଜଗନ୍ନାଥ ହେ ପ୍ରଭୁ ଜଗନ୍ନାଥ
ତୁମରି ନାଆଁରେ ସକାଳ ଆରମ୍ଭ
ଚଳାଅ ସତ୍ୟ ପଥେ ନ ଆସୁ ଲୋଭ
ମିଛ ମାୟାରେ ପଡ଼ି ନକରେ କ୍ଷୋଭ,
ତୁମ କୃପା ବିନା ହୁଏଁ ମୁଁ ନିଷ୍ପ୍ରଭ
ତୁମେ ହିଁ ତ ବିଭୁ ସର୍ବମୟ ପ୍ରଭୋ ।
ହେ ଜଗନ୍ନାଥ ହେ ପ୍ରଭୁ ଜଗନ୍ନାଥ
ତୁମରି ନାଆଁରେ ସକାଳ ଆରମ୍ଭ
ତୁମେ ହିଁ ଜୀବନ ପ୍ରଦୀପେ ଆଲୋକ
ତୁମେ ପଥ ପ୍ରଦର୍ଶକ ମୋ ରକ୍ଷକ,
ମନର ସୁମନେ ଛୁଟାଅ ମହକ
ତୁମ ଲାଗି ହସେ ସାରା ମୂଲକ ।
ହେ ଜଗନ୍ନାଥ ହେ ପ୍ରଭୁ ଜଗନ୍ନାଥ
ତୁମରି ନାଆଁରେ ସକାଳ ଆରମ୍ଭ
ମନେ ପ୍ରାଣେ ଭରିଦିଅ ଆଶା ଭାଷା
ରହିଥାଉ ସଦା ବିଶ୍ଵାସ ଭରସା,
ସାହା ହୁଅ ପ୍ରଭୁ ଘୁଞ୍ଚୁ ମୋ ଦୁର୍ଦ୍ଦଶା
ମୋ ହୃଦୟରେ ରହୁ ସତ୍ୟ ଅହିଂସା ।
ହେ ଜଗନ୍ନାଥ ହେ ପ୍ରଭୁ ଜଗନ୍ନାଥ
ତୁମରି ନାଆଁରେ ସକାଳ ଆରମ୍ଭ ।
