જય માતાની

નવરાત આવી લાવી ગરબા માનાં વહે નેહ રૂડાં,

મા, હો ઝગમગ જ્યોત જલાવી ગરબે તેજ પૂરાં.

જય માતાની, જય માતાની ગાતાં સૌ નરનારી !

બ્રહ્માંડનું તેજ દીપે દીવડા માહીં સૃષ્ટિ ભરે સત ઘણાં,  

સાથ માડી તવ સંગ ગરબે ઘૂમે નરનારી ધરી પ્રેમ શૂરાં.

જય માતાની, જય માતાની ગાતાં સૌ નરનારી !

આરતી તારી દીપ જ્યોતે વિશ્વ કરે ઝળહળ શણગારી,

સ્નેહ નાદે આંગણ મહીં,ગરબે દીપ હાર શોભે હેત ધૂરાં.

જય માતાની, જય માતાની ગાતાં સૌ નરનારી !

પૂર્વ પશ્ચિમ, ઉત્તર દક્ષિણ ચૌદિસ ગાજે ઢોલ ગરબે,

જગજનની આવે ગાવા ગરબા, શણગાર સોળ સજ્યા.

 જય માતાની, જય માતાની ગાતાં સૌ નરનારી !

ભરે નવલા નોરતાં આનંદ ઉરે, જગે જગદંબા કૃપા વહે,

કોડ જનજનના પૂરે, દીપાવીને ગરબા દીપ તેજ સુધા.

જય માતાની, જય માતાની ગાતાં સૌ નરનારી !