સર્જનહાર
સર્જનહાર
1 min
184
પાલન, પોષણ, લયને સર્જતો જબરો એ સર્જનહાર,
નદી કૂવામાં જળને સીંચતો કેવો એ સીંચનહાર.
મનુષ્યના આ નશ્વર દેહને શ્વાસે શ્વાસે ભરતો,
પુષ્પોની પાંખડીઓમાં તો વિધવિધ રંગ ચીતરતો.
શ્રેષ્ઠ ચિતારો બની જગતને ચીતરે એ ચિત્રકાર,
પાલન, પોષણ, લયને સર્જતો જબરો એ સર્જનહાર.
સૂક્ષ્મ અંકુરને વિરાટ કરીને વ્યાપકતા દર્શાવતો,
શૈશવે જે શિશુ સ્વરૂપે કાલીઘેલી ક્રીડા કરતો.
પંચતત્વને અનેક કોટિમાં રચતો એ ચિત્રકાર,
પાલન, પોષણ, લયને સર્જતો જબરો એ સર્જનહાર.