କୁଶଳୀ ଶ୍ରମିକ
କୁଶଳୀ ଶ୍ରମିକ
1 min
278
ସବୁଠାରୁ ବଡ କୁଶଳୀ ଶ୍ରମିକ
ହେ ବିଶ୍ବ ନିୟନ୍ତା ପ୍ରଭୁ
କିପରି ଗଢିଲ ସୁନ୍ଦର ସଂସାର
ପରଷି ତୁମ୍ଭର ବିଭୂ ।
ନଭେ ଖଞ୍ଜି ଅଛ ଶଶୀ, ତାରା,ଗ୍ରହ
ମହୀରେ ତଡାଗ, ନଦୀ
ଉଚ୍ଚ ପରବତ ସୁମନ, ସୈକତ
ଶରୀରେ ଶୋଣିତ ଭେଦି ।
ସବୁଜିମା ଭରା ଏ ସୁନ୍ଦର ଧରା
ପଶୁପକ୍ଷୀ ନର ନାରୀ
କୀଟ, ତରୁ, ତୃଣ ଜୀବନ ପ୍ରମାଣ
ଆଶିଷ ଦେଇଛ ଭରି ।
ମନରେ ସାହସ ଶକତି ଭରିଛ
ସହିବାକୁ ଝଞ୍ଜା ଝଡ
ହସ୍ତକୁ ହସ୍ତରେ ଖଞ୍ଜିଛ ଢଙ୍ଗରେ
ଲଢି ଜିତିବାକୁ ଗଡ ।
ସଂସାର ନାବକୁ ସୁଖେ ବାହିବାକୁ
ବିବେକ ରହିଛି ସାଥେ
ତୁମରି କରୁଣା ନ କରିବ ଊଣା
ଜୀବନର ଚଲାପଥେ ।