ସମ୍ପର୍କ
ସମ୍ପର୍କ
ଉଷାରୁ ଅଂକୁରିତ
ସିନ୍ଦୂରା ଫାଟି ଝଟକି ଦିଶେ ଲାଲ୍ ଟହ ଟହ,
ଠିକ୍ ସେମିତି
ଆଶାରୁ ଅଂକୁରିତ ସଦ୍ଯ ଜୀବନର
ଚଂଚଳତା ଲାଗେ ଖୁବ୍ ଗହ ଗହ |
ଗହଗହ ମିଜାଜ୍ ଯେ
ପୂର୍ବ ଦିଗ କି ନୁହେଁ
କହିବା ଭାରି କଷ୍ଟ ,
ଅଥଚ, ଆଶଂକାର ଅପରାହ୍ନରେ
ପାଗ ଆଉ ଦିଗ ସୃଷ୍ଟି କରେ ଭ୍ରମ
ଆଉ ଆମେ ତାକୁ କହୁ ଭେଟ |
ଉଛୁଳି ପଡୁଥିବା କୋହ ଆଉ
ଝରି ପଡୁଥିବାର ଲୁହର ଦୁର୍ବଳତାରେ
ଆହୁରି ଦୁର୍ବଳତାର ଅନୁଭବ ହୁଏ,
ଅତିକ୍ରାନ୍ତ ସୁଖ ଗୁଡିକ ୟଦି
ମଳୟ ସୁରଭିତ ଅତୀତ ହୋଇପାରେ
ତେବେ ବର୍ତ୍ତମାନ
ସବୁତକ ହୋଇ ବି ନପାରେ
ନିଜର ହାତ ମୁଠାରେ |
କୃଷ୍ନାମାନେ ତ ପାର୍ଥ ଙ୍କୁ ହିଁ ପରିଚୟ ହୁଅନ୍ତି
ହେଲେ ପଚାର କୃଷ୍ନାଙ୍କୁ
ବୁକୁ ଫାଟି କେଉଠି ଟିକ୍ ଟିକ୍ କରୁଥିବ
ଉପେକ୍ଷିତ ସୁତ ପୁତ୍ରର ପ୍ରୀତି ପ୍ରାପ୍ତି ପାଇଁ |
ନିଜର ମୁତାବକ
ସ୍ବପ୍ନ ମାନେ ଟାଣି ହୋଇ ଆସିଲେ
ନିଜ ଆଡକୁ
ପାସୋରା ଯାଇ ପାରେ ସବୁ କଥା
ସ୍ବପ୍ନ ମାନେ ଯଦି ଆୟତ୍ତ ନ ହୋଇ
ଓଲଟ ପାଲଟ ହୁଏ ଯଦି
କେଉଁ ଏକ ଅଜ୍ଞାତ ଏକଲବ୍ଯର କୁହୁକ ସ୍ପର୍ଶରେ ...
ଏତିକି ବେଳେ ସବୁ ମନେ ପଡି ଯିବ
ଭବିଷ୍ଯତର ସବୁ ଅପାରଗତା... |